16.10.10

دواب...

... شي إنو فتت بالباب، لا مرحبا ولا من يحزنون ومن حيث لا أدري:
"يي ليش عامل بحالك هيك؟!"
إنو يابا شو؟ قال هي عم تفتح حديث معي وتتودد.
 
شو عامل بحالي يا عيني؟ شو؟
يلعن اخت هالدقن إن كان حدا بخلينه إتهنا فيا!

بعدين انتي أصلاً شو فارقة معك إن طولتها أو قصرتها أو حلقتها!؟
ما كلها بشوفك بالسنه مرة!

وأحلى شي وقت تفتح معها التشبيهات:
 
"يي مبين متل تبع حزب الله!"
(إيه لأن ما حدا غيرن الله ناعمو بشعر بذقنو!)
 

" يي شو صرت بتشبه أبوك!"
(اوكي، شكراً على الملاحظة الدقيقة ... إنو مين بدي إشبه يعني؟! إيه؟! مين؟! الحلاق؟!)
 
 
"يي متل ال"terroristes"!"
(ياي! الله يبعتلك شي واحد يفجرك بشي يناسبك!)


"يي متل مار شربل!"
(إيه لأن ما حدا غيرو من هالقديسين عندو ذقن!)
إلخ...


أنا حق عليي...
ما كان لازم إبتسملها، كان لازم:

"يي! بلي تسترك ستر إنت وهبلك وسخافتك ومنظرك!
إنقبري  كفي شغلك وعيطيلي لمديرك
لنشوف كيف بدو يخلص زبوناتو من سخفك وهبلك وجلاطتك!"

...

ما تواخذونا... عصبنا...
بس فعلاً في دواب أوقات لازمها هيك جوابات...

4 comments:

  1. hahahhahahahhahahhahahhaha
    fakhame !!

    ReplyDelete
  2. hahahhaha
    ra2i3a
    إيه لأن ما حدا غيرن الله ناعمو بشعر بذقنو!

    ReplyDelete
  3. hahahahahahahahahaha....
    w hahahahahahaha...
    Chi bijannen!!!!!!!

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.