12.11.10

بوابة الشرق إلى الغرب

الجمعة الماضية ذكرني صديق بجملة من كتاب الجغرافية : "لبنان بوابة الشرق إلى الغرب". بتتذكرو هل جملة ؟ عن جد لما كنت بالوتيام كنت اشفق على العالم... إنو كيف بعيشو بلينا؟ شو بيعملو لو ما كنا هون؟  وله نحنا البوابه وله. إنو تصور شو معترين بأوربا وبأسيا... إذا سكرنا هل منفذ الوحيد شو بيعملو؟ عظيمين نحنا 

لما كبرنا شوي، صرنا بفرنسا وشفنا كيف بس يحكو عن لبنان بالاخبار ما حدا بيهتم ولا حدا بالو فينا. أو مكسيموم بقولو "معترين هل لبنانيي"... أو "شو هل مهابيل بضل عندن حروب ومشاكل"... أو بغيرو محطة التليفزيون وبكملو العشا. تماماً متل ما منعمل نحنا بس يحكو عن الباكسان أو أفغانستان. من كمل العشا أو دق الليخة وما منعرف عن شو عم يحكو. ونحنا بلبنان مفكرين إنو العالم مش شايف غيرنا

فيا بوابة الشرق والغرب، يا ريتنا منوعا شوي ومنعمر بلد متل العالم حاج ناطرين الفرج من الشرق والغرب. وبدل ما نضل حاقدين على بعض نعمر هل بلد كلنا سوا. وإذا قدرنا نعمر شي، معقول بعد ألف سنة يصير العالم يعتبرنا أكتر من فجله... فجله اكسترا
...

3 comments:

  1. ما هو كلنا بوابات.. المشكلة لازم نعرف اذا مفتوحة و للا مسكرة و وين أقفالها و شو (أو مين) مفاتيحها

    ReplyDelete
  2. b lebnen el 2a2fal hiyé chawfet el hal, w el tefkir annno kel el 3alam zbelé.

    ReplyDelete
  3. Tony, salbeh, i was just thinking about this quote like 2 days ago when i was reading some kind of articles on turkey or some other countries and they said bridge between orient and occident.
    J'ai ete revolte! Quels imposteurs! c'est nous bawabat al chark lil gharb!

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.