19.12.10

نظريّة البزورات الإكسترا

نعم البزورات.
ليش؟
لأنّو هلّق بتفهمو.

بِكيس البزورات كمّ نوع في؟
في: البزر، الفستق، الفستق المالح، فستق "العبيد"، ال"كريكري"، القضامي.

وبالإكسترا بينزاد عيهن: الكاجو، اللوز، البندق، اللوز "الفومي"، ال"كريكري" عجبنة، الذرة، الفستق المقلي، القضامي الملبّسة، إلخ...

وشو أطيب شي بالكيس؟
أطيب شي لمّا تكون كلّ هالأصناف يلّي بالكيس بِفرد طاسة ونصير "نمزمز" وننقّي وننوّع.

لبنان كيس بزورات إكسترا.
التنوّع يلّي في هوّي الغنى تبعو.
أغلى من غيرو لأنّو "مشكّل إكسترا".

أنا بآمن إنّو هالبلد ما بينوجد إلّا إذا كان مشكّل إكسترا
ولمّا بدّو يصير الكيس كلّو من ذات الصنف أو صنفين تلاتة بسّ
بيصير أقلّ من العادة وما بيعود "إلو طعمة".

صحيح إنّو بكلّ نوع بضلّ يطلع شي كمّ حبّة مرّة، مضروبة، "مدوّدة"
بس المهم ما نجمل كلّ النوع وما نعود ندوق منّو.
والأهمّ من هيك إنّو هالرّيحة البشعة يلّي بتنبعث من كيس بزورات
إن كان إكسترا ولّا عادي ولّا من صنف واحد هيّي دايماً بشعة لأوّل ثانيتين.

بقا ما حدا يزايد أو يتشاطر على التاني لأنّو كلّنا ريحتنا طالعة.

لبنان قدرو يكون صحن بزورات إكسترا (بغضّ النظر مين اللّي عم ياكل منّو)
 وغير هيك "أبيصيرش ولا بيضلّ".

"نو إكسترا، نو ليبانون".
 

9 comments:

  1. Mazbout! et n'oublie pas que nous pouvons aussi être fattouch, tabboulé, makhlouta et bouza mchakkalé. Les mélanges c'est notre point fort, nous les libanais...

    ReplyDelete
  2. This theory should go in all political sciences books in Lebanon, and am NOT joking !

    ReplyDelete
  3. طيب اتفقنا هيدا الكيس طيب، كتير طيب!

    بس متل ما حضرتك تفضلت وقلت، في حدا عم بياكل منو، بغض النظر مين!

    يعني حيجي نهار ويخلص.

    وقتا شو بصير؟

    بس أي لايك يور بوست خواجة (: :P

    ReplyDelete
  4. @ Trella: we take this compliment as a serious one :) thank you

    @ jessica: يلّي بيعرف بالبزورات وبيحبّها بيعرف إنّو ولا ممكن تخلص ;)

    ReplyDelete
  5. بس مشكلة البزورات الاكسترا انو لازم تنحط بالبراد, وهل براد ما بيمشي حالو غير مايكون من ماركت ال س-س ;)

    ReplyDelete
  6. its amazing! el lezze bi hal balad el tanawo3 el 2meshe el we7de le fiya 3eddit alwen, bas binesbe lal neheye ana be3te2ed ino le 3m ymazmiz howi kil lebnene biwefe2 hal nazareye w manno mitkhalef! :)

    ReplyDelete
  7. Nice post. BUT i think we should get over it. Lebanon is NOT an exception. A LOT of countries are a melting pot of cultures, religions and even races but at some point they stopped seeing the differences, something we are unable to do in Lebanon. African-americans, jews, italian-americans, arab-americans, russian-americans, chinese-americans etc etc.. Sunni, shii massi7i is bullshit compared to this... we should get real and think that we really are all krikris or loz or whatever, we are all the same. i hope one day religion will stop being our identity. Lebanese is our identity. It's not a mchakkal. It's only one identity. no'ta.

    ReplyDelete
  8. Thank you Karim for your input, much appreciated. But no matter what exits in the world, Lebanon is and will always be this.
    To be pragmatic: to be Lebanese is to belong to some sub-group and accept the other.
    We sadly cannot eradicate the formula that makes Lebanon what it is and has been.
    We're all Lebanese abroad, but in Lebanon, in order to be a perfect Lebanese, for now, you have to accept being in that religion, segment or rite and accept the "other" as he is.
    This takes guts and once we get to this, we can transform, on the very long run, to become all just plain Lebanese.

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.