29.9.10

الإستعباد والعبودية من أسمى الصفات اللبنانية

العبودية أو "الرق" هي نوع من الأشغال الشاقة القسرية طوال الحياة للعبيد حيث يعملون بالسخرة القهرية في الأعمال الشاقة والحروب وكانت ملكيتهم تعود للشخاص الذين يستعبدونهم. وكانوا يباعون بأسواق النخاسة أو يشترون في تجارة الرقيق بعد اختطافهم من مواطنهم أويهدي بهم مالكوهم.
 
بعد إعلان الاستقلال الأمريكي أعتبرت العبودية شراً ولا تتفق مع روح مبادئ الاستقلال. ونص الدستور الأمريكي علي إلغاء العبودية عام 1865م. وفي عام 1906م عقدت عصبة الأمم (League of Nations) مؤتمر العبودية الدولي (International Slavery Convention) حيث قرر منع تجارة العبيد وإلغاء العبودية بشتى أشكالها. وتأكدت هذه القرارات بالإعلان العالمي لحقوق الإنسان (Universal Declaration of Human Rights) الذي أصدرته الأمم المتحدة عام 1948م
 
 Source: Wikipedia.
وآسفاه !!!  نو كمنتس.


بلبنان...

This is the first post to be tagged "2ers 3anné" which is given
to posts we receive from our followers.
Thank you http://lemontree-jess.blogspot.com/
for your enthusiasm and participation!


بلبنان...
بنت بلا أصير  أو dos nu                         مش ظابطة
مطعم بلا أرجيلة                                      مش ظابطة
رجال بلا سيارة top                                 مش ظابطة
bday بلا magicien                               مش ظابطة
صيفية بلا weekend فقرا                         مش ظابطة
ضهرا بلا صور على facebook                  مش ظابطة
جامعة بلا إشتراك parking                       مش ظابطة
بيت بلا علم للمونديال أو شي حزب                مش ظابطة
عرس بلا زفه                                           مش ظابطة
cellulaire مش blackberry ومع bbm       مش ظابطة
قداس بلا لتلتي من بعدو بالساحة أو بالصالة    مش ظابطة
أحد بلا تبولة                                           مش ظابطة

إلخ إلخ ...

وطاووق بلا توم EXTRA                          أكيد مش ظابطة!!!

28.9.10

ثقافة الاعلانات

مطرح ما أنا عايشه في « حي سخن « متل كل البلاد والمدن بل عالم، بس السيارات ممنوع تقطع بعد الساعة 9 لأنو في مشاهد ولاد زغار وعالم مش مفروض يشوفوا. أنا مع هل نظام يللي بحافظ على سلامة المواطنين المعنوية وسلامة الأطفال


صيف 2010 نزلنا ع لبنان متل كل مغترب، ولاحظت أن الاوتستراد كلو «حي سخن» !! كيف ؟ من ورى دعايات لفتوا أنظاري
"check the pictures of the ads below"

number 1:
 شو يعني ؟ شو المقصود ؟ أنو إذا
logo mbc drama
مرسوم عل بز الشمال راح تعلى نسبة مشاهدة البرامج التركيه و "مهند" بلبنان 
style
ابكي على صدري؟؟
 أو إذا
 logo disney channel 
مطبوع عل بز اليمين؟ رح يحس الولد بالحنية لا ايام الرضاعة ويطلب 
cablevision?
ما عم إفهم شو دور هل أمّورة بترويج شركة
  satellite?
وأهمَ شي أنُّ التنين ب-15 $ ؟ يا ضيعان النفخ


 هلأ ما فهمنا بدّك أو ما بدّك ؟


     number 2
يا حبيبي هون الحلا كلو ، هلأ صار فيا امّو  ليلي بالدعاية  تطلع بأصحابا عل صبحيه و تقول : يؤبرني. (توت) بضوي !! والله اللبناني بدبِر حالو عطول، في حال إنقطاع الكهربا، صار ضوك منك وفيك، تاتلاقي الطريق المستقيم
رح اتوقف هون مع إنو الأمتال كتيره، بس يا عيني على ثقافة الإعلام والاعلان بلبنان، فهمنا انكن
open minded
, و بدكن تفرجو العالم انكن منفتحين ومتحضرين، بس هيدا مش تحضر، هيدا إنحدار وصوب الهاويه نشالله، لأنو الحضارة، هيي المحافظة على البيئة، السواقة بتهذيب، وإحترام الناس و غيرا من الامتال، بس لشو الواحد يضيع وقته، فلا حياتاً لمن تنادي




25.9.10

صحّة

فتت عل "سنترال" بخطى كل عزم وإيمان...
فتحت الباب وهفت ريحة القهوه الملغومه بدخان ال"cedars" ونفحة "عفيصة*"...

هو محسوبكن لما أسس خط هالتليفون المجيد ما كان ضارب حساب هالمكان الساحر المليان عجايب!

بأول عشر متار عالشمال في مركز الليبان بوست وصديقنا ليبوس(Lipos) يلي منو إلا سوبرمان العربي (مع زوايد الفروسيه والزجل).
وعاليمين، في رف علب بريديه حديديه بتنفح بنفسي امال وأحلام منذ الصغر...

بّين الشباك وبيّنت معو شأعت مجلّدات ال-"Yellow Pages". شي فعلاً رومنسي، وكأنّك واصل على أرض غوغل الميعاد بنسختها المنيلنة (من نيلون) الخلنج.

وصلت وتمركزت قدّام الشبّاك.

المدموزيل اللّي صرلا كذا عقد مدموزيل، وأنا قاصدها بالعلامة، ما انتبهتلي.
وأنا لأنّي لبق وإبن عيلة ماحبّيت قطّشها عن غداها اللّي الظاهر كان صرلها فترة عم تحضّرو:

عروسة بيض مع فواحشها ومش بقبعة خبز، لا لا لا، برغيف!
و كمّ بيضة؟ ٣ يا بركالله!

كلي بيض يا ضنايا إنتِ...
وخلّيها الفاتورة لغير مرّة معليش...
تطلع دسمة، بسّ ما تطلع مزنخة!

ف.م.ل.


* العفيصة هي رائحة لايمكن وصفها إلا بالإشارات، مرة الجاية بس نشوف بعض إن اللّه راد بشرحلكن بالتفصيل.



23.9.10

Mountain o'things جبلنا... يلي بدمنا ترابه جبلنا

يا جبلاً على البحر قريب                   يتأهل باللبناني والغريب
يا جبلاً شامخاً عنيداً                        مرفوع الرأس، فذاً، فريداً
يا فخر الشرق ولبنان                       يا معبداً، يا سرالإيمان
قاومت الإحتلال والبارود                  وصمدت يا جبل برج حمود

فيك الفواكه والخضار                       السمك، الفيران والخيار
فيك اللحوم والpreservatifs             وجميع المواد الradioactifs
صورك على الcartes postales        وعملولك اغاني ورسيتال
يا ملهم الشعراء والرسامين                 بنصك رح نعمل piscine
يا حلاً جذرياً للنفايات                        لإلك كتبت هل ٩ ابيات

22.9.10

المفاتيح Please.

 مرسوم صادر عن وزارة النقل ومديرية السير في لبنان، أقر الوزير فلين إن الوزارة والمسؤولين عنها قرروا إلغاء فقرة "الصفة" في فحص رخصة القياد، و هذا سبب لظاهرة ال-
valet parking
الجنونية في لبنان خاصةً في صيف 2010


تمشينا في الأسواق اللبنانية وأخدنا كم رأي و اليكم التالي
خيي شو حلو، هلأ صار فيني إنزل عل سوبرماركت جيب غراض البيت وما اعطل هم الصفة
Madame Yvonne B. de Kaslik.
 
واو شو كول ! بس إنزل عل جميزة،  دغري بيركدو  ياخدو المرسيدس تبعي
Murielle De gemmayzé.


ولووو اشو هد اباش في الواحد يصف سيارتو
مواطن مستنفر


هيديك المرة كان الباركينغ فاضي، صفينا السيارة متل ما علمنا المعلم جورج لتعليم السواقة ونزلنا .،شرف و قال شو بدو المفاتيح يا خيي من بعتك علي نازل اكل أنا وصحبتي !! ما صفيطا وخلصت شو جايي تعمل !!؟؟؟ تبرمها بي أرضا برمتين وتاخد 3000 ليرة !? ما فشر ودب المشكل وبلا ما نكل سندويش الطاووق طلعنا اكلينا اتلي
 Charbel K. From Batroun


والله أنا عام فكر جيب كم شاب وقفن تحت البنايه، بركه بصير يصفو سيارات المستأجرين
مستثمر زكي.


فإذاً ولذلك ولهذا قررنا إلغاء فحص الصفة لأن المواطن اللبناني ليس بحاجة لصف سيارته بعد اليوم. لكن توجد دروس خاصة لكل  من يريد أن يتعلم هذا الفن النادر أو لكل من يريد ان يصبح
"valet parking"

وهذه الدروس تتضمن


كيفية الإستفادة من كل فراغ ورصيف ووادي وحائط وبورة وسقف
كيفية تعطيل السير نصف ساعة من أجل ترجيع وتقريب سيارة
كيفية تجاهل السيارات الصغيرة والقديمة و بالنتعة من أجل خدمة الأغنياء وذوي السيارات الفخمة أولاً
كيفية جعل الزبون يصدق إن البنزين كان أصلاً عل اخر بس أخدت السيارة
كيفية التشفيط في باركينغ الجميزه والتسابق مع زملائك
كيفية تقريب وترجيع السيارة في باركينغ فاضي وطلب 5000 ليرة كثمن أتعابك


للأشخاص المهتمين الرجاء تقديم الطلبات لكل من الوزارة المختصة

18.9.10

واحد ضد واحد بيعملو اتنين

طالبان والافغان
توم وجيري 
إيطاليا والبرازيل
الإيه واللأ
جيكيل وهايد
لبنان وسوريا
الأبيض والاسود

القط والفارة
الفهيم والبهيم
الكوكا والبيبسي
مسلم ومسيحي
معلم وأمي
أمي وأبي
الله والشيطان
ملح وسكر
هيفاء وفيروز
لحمه ودجاج
إلخ...


إيه بس الطاووق يا عيوني، الطاووق إنت سامع بشي واحد قباله؟
في شي ضدو؟
شو؟ سامع والله مش سامع؟


أكيد مش سمع لأن هيدا الطاووق مناكلو لحالو وهوي أساساً مع حالو بيعمل تنين وأطيب شي أطيب شي لما يكون مع توم،
ومش حيالله توم يا تقبرني...


 أطيب شي مع توم اكسترا!




نوتة بيني: بشرفك في شي من كل  هالإشية المذكورة أعلاه بصير أطيب وأحسن للصحة مع توم اكسترا؟ إيه لا !  شفت!؟

17.9.10

Lebanese Roads طريقهن ع طريقتهن....ايه طرقونا

السبت الماضي كنا نكزدر في شوارع باريس بالسيارة. وإذ بنا نرى الإشارة تنتقل من الأخضر إلى البرتقالي. فتوقفنا وانتظرنا عند الإشارة، وكذلك فعلت كل السيارات ورانا. Rien de magique. فتخيلت للحظة ما كان يمكن أن يحصل لو حصل ذلك في بيروت، وكان ورانا  :

- كميون مرسيدس أصفر : إيه كان ما شاف الإشارة، ولا الرصيف ولا السيارة ، وعربش علينا وكمل بلا ما يلاحظ شو صار .

- سيارة جيب 4x4: كانت المدام الحضارية وقفت وكملت الحديث على البلاك بري، بردت ظفرين وضربت ضربة بلاش هي وناطرة.

- دودج شارجر للدرك: كان الشاويش دَوبل، وجأرك من وراء "الراي بن" مفكِراً "ولك شو هل الزبالة إنت... وله المنطقة كلاع حسابنا نحنا ".

 .سيارة بي أم دبليو سودا، أزاز فوميه، بودي زعران : كان شفطها حدنا وعمل بتوين بيننا وبين الإشارة -

- عوني: كان زمر وحدة TARA TA TA TA لأنو الإشارة مضوية اورانج .

- شوفير تكسي: كان لعن الله اللي خلقك، وفقعك وحدة "يلا ياااا بيجو! قرب!"... وطلع نصو من الشباك تيشرمطلك، بايدو سندويش طاووق بطاطا وتوم... توم اكسترا.

15.9.10

Who are you ? من إنت ؟

نحن الشعب اللبناني شو أصلنا ؟ يا خي تعا نطرح هل سؤال ؟ هل يا ترى نحن عرب ؟ هل يا ترى نحن فينيقيه؟ أو هل يا ترى نحن مزيج فرنسي، تركي، إنجليزي ارمني؟ في ناس بيقولوا نحن فنيقية ومنفتخر بقدموس يلي نشر الحرف عل عالم !!! قدموس ؟ ولا إنت بتعرف تقري لل حرف ؟ إنت بتعرف شي عن الفينيقية أصلاً ؟ غير قدموس وأحيرام ؟ يا حيرام عليك وين بعدك! وبيرجع بيجي التاني يلي بيقلي نحن عرب من الجزيرة ! ولو يا عمي نحن عرب ؟ وهيدي يلي عم تخلع بالسكي بار، عرب؟؟ هلأ يمكن إنت بالنسبي لا إلها عربية! ايه والله عربية ومش أكتر ! هلأ ممكن في طبقة من هيدا الشعب مزيج فرنسي لبناني من ايام الولاء الفرنسي*، ممكن.   هلأ حكينا حكينا وما عرفنا من وين جايين؟ وأصلاً مش عارفين لوين رايحين! شعب متعدد الجنسيات والطوائف والمعتقدات هيدا الحلو فينا وهيدا يلي لازم يجمعنا ومش يفرقنا... ومن وحي هيدا التعدد والتعادد والتعداد جينا نحن جمعية شباب نكتب هل بلوغ المتنوع المواضيع والأساليب واللغات...يمكن نهار نكتب بالفينيقي ما حدا بيعرف (مشان ما نزعل أحفاد عشتروت مش أكتر)! هيدا البلوغ معظمه نقد بس نقد بناء هلأ مش أد البناء يلي عام يطلع بالاشرفية والجميزه بس إذا شتغلنا ع حالنا شوي شوي يمكن نغطي ع برج دبي !! فإذاً سيداتي سادتي نعرفكم على توم اكسترا! ولكم الشكر


*maman chérie ta3é 2oulé bonwi lal tante !

14.9.10

Blessed Opening إستفتاحة مباركة

It is our pleasure, we the "toom-extras" to announce the start of our different tooming operations (free of sunflower oil). The opening post is nothing but this moving photo below:

يطيب لنا، نحن المتوّمين "إكسترا" أن نعلن عن بِدء عمليّان التَتويم المتنوّع الخالي من زيت دوّار الشمس.
نفتتح هذه المدونة بهذه الصورة المعبّرة 


Mummyy! I-WANT-EXTRA-TOOMED-PEANUTS!!!!


!يا مامااااا! بدّي-فستق-متوّم-إكسترا