15.3.11

le3yet !

كل يوم بكتشف شي جديد بالحياة بسويسرا.
هالشهر اكتشفت الإنتخابات، إذا بدكن فينا نقول بلدية ونيابية.
في كتير عالم مرشحة، شي 90 بـ6 لوايح، بين سياسية يمين ويسار.
مع إقتراب الإنتخابات وصل ع كل بيت
كذا BROCHURE، يعني  لكل "ليستا" تنتعرف عالأشخاص المرشحة.
وإذ بكتشف أنو معظم  هالوجوه مألوفة،  هلّق يمكن تفكرو إنو هالوجوه مألوفة لأنو كل يوم بشوفا على شاشات التليفزيون،
أو لأنو كل الطرقات والابنية مطروشة بوجوهن البشوشة.
إيه لأ، ما حزرتو، لأنو هالظاهرة ما بتشوفوها إلاّ بالوطن الحبيب!

هالأشخاص ناس من المجتمع، ناس كل يوم بشوفها، بال-BUS، بالسوبرماركت، بالمطعم، عم تتمشى مع أولادها...
هالمرشحين جدّن ما كان نايب ولا أبوهن كان وزير، ولا هني مهندسين ولا محامين، ولا حتى أطبة!
إيه والله... مثلاً في منن اساتذة مدرسة، ومنن طلاب، ومنن خادم بمطعم وسائق بوسطة.

من هون بلشت إسمع التعليق اللبناني: "يييي هلّق أنا شوفور بوسطة بدو يمثلني بالمجلس، ولو بطل في أوادم؟!"
(إيه لأنو الشوفور مش آدمي مونسيور، ما كل يوم عم يخدلك ولادك عل Ecole! إيه كول هوى أحسن!)
هودي العالم يلي مظبوط بمثلونا بالمجلس والبلدية لأنو منا وفينا، وعاشو متلنا، شافو صعوبة الحياة،

مش خلقو ببيت وزرة ونواب وملعقة الذهب بتمن، ما بيعرفو شو يعني الواحد بيشتغل وبيتعب تيعيش، أمتين اللبنانية رح يوعو على وضعن، ويبطلو غنم !؟
وهالعالم بتزقّفلن وبتروح ع مهرجانات مشان ترقصلن وتندهلن بالروح بالدم!

أمتين رح يعرفوا إنو ولا فلان ولا علتان طالع من أمرن شي؟
بس بقى! لعيت!

بعض المرشحين للانتخابات :

6 comments:

  1. 7ilwe minnak! bravo!

    ReplyDelete
  2. minnik... w elle est bien féministe, so fais gaffe :p
    Tony

    ReplyDelete
  3. oups, désolée .. :/
    Je corrige

    >>>>>>>>>> 7ilwe minnik! bravo!<<<<<<<<<<<

    ReplyDelete
  4. Merci l'aviatrice !!! Et merci Tony pour la rectification !! heheh !!!

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.