2.4.11

موقف خاص


إنو وين منصف بهالبلد؟ شي غريب كيف كل واحد عندو دكانه، محل ثياب أو غيرو بيعتبر إنو الطريق يلي قدامو لإلو وهو بقرر مين مسموح ومين ممنوع يصف. يا جماعة هيدي الطريق للشعب اللبناني، هالزفتات دفعن الشعب اللبناني بصوتو الانتخابي، هالطريق وهالرصيف مش داخلين بصك ملكية المحل.
وبما إنو الشعب اللبناني حربوق، إكتشف عدة طرق ليحجز الطريق العام، ابرزها:

الكرسي الأثرية:
في منا بلاستيك وخشب (لأصدقاء البيئة) وبيقدر صاحب المحل يشيلا بس يجي الزبون العتيد.
وإذا حاولت تزيحها تتصف، بتاكل مسبة وتهديد بطريقة حضارية، وبتهرب ت ما تخاطر بحياتك.
إذن بس تشوف الكرسي، بتتصور السيناريو براسك وما بتصف.

عامود "ممنوع الوقوف" أو "موقف خاص للمحل":
هيدي بتخليك تتستحي ع طولك وما تحاول تصف...
ولو عيب، هالجزء من الطريق خاص، مش لا الك.

عامود "يوجد كنافه نهار الأحد" أو "لدينا اكسسوار مرسيدس":
شبيه للعمود الأول بس مشغول أكتر عالماركتنغ والبزنس أبرتونتيز.
وإنت كمواطن مرهف بتقدر هالمجهود الإبداعي والإقتصادي، وبترفض تاخد مطرحه .

حجرين باطون:
بذكروك بأيام الحرب وبتصير تشفق على صاحب المحل قديش عانى وما بتصف.

صندوق خضرة:
هيدا إجمالاً خاص بمحلات الخضرة. صديق للبيئة، لأنو يستعمل كمان كسلة نفايات.
وإنت ك بلوغر بتتأمل في وبتبتسم وبترفض تزيحو من محلو، لأنو قبل ما يتحوّل لحارس باركينغ،
يمكن هالصندوق كان في توم... توم اكسترا!

6 comments:

  1. You are right in every single angle!! w bitfakir ino iza safeit bto2ta3lo bi riz2to... the most annoying thing is when the guy parks his pick-up in the middle of 2 parking spots so he can secure a place for his car the next day!!

    ReplyDelete
  2. yey!
    i got my 1st comment on this post!
    Thanks! :D
    Tony

    ReplyDelete
  3. This is so true and so frustrating!! I was thinking about it few days ago as well! Pretty funny post :)

    ReplyDelete
  4. كله صح! بس ما تنسى جنط "الرينو دوز" المدهون أزرق وعليه يافطة صغيرة بتقول "ممنوع الوقوف تحت طائلة المسؤولية - البلدية". هيدا بكون عندو واسطة مع يلي بيعمل قهوة بالبلدية.

    ReplyDelete
  5. hahaha! Ahla shi l kerseh :P

    ReplyDelete
  6. Barking is better then Parking !!!

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.