14.5.11

هيدا جوّنا

غطّت الطيّارة عالأرض، 
يعني بعض ما لحقو الدواليب يدئو بالأرض،
بتسمع صوت كلّ حزامات الأمان تفكفكت متل شي أوركسترا على نغمات المضيفه يلي عم تقول يرجى عدم فك أحزمة الأمان قبل إطفاء العلامة.
عمل الركّاب هيصة وزلغوطة للأوتوبايلوت،
بلّش الشعب الحضاري ينزّل الشنط من فوق (أخفّ شنطة عشرين كيلو)،
ونَطَرو واقفين بالطيارة تيفتح الباب...
ونَطَرو واقفين... نَطَرو...
واحد عصّب، واحد عِلي ضغطو، واحد بلّش مسبّات، الخ الخ...
وفتح باب الطيارة و"أهلا بكم في مطار رفيق الحريري الدولي"...
ورحنا نجيب الشنطة... غريب  كيف دايماْ اخر شنطة...

وإذ، نحنا وناطرين، واحد واقف حدي بولّع سيجارة.
إيه نعم بقلب المطار.
بطّلّع هيك، بلاقي واقف تحت آرمة "ممنوع التدخين".
يعني لو كان معي كاميرا أكيد صوّرتو. وإذ بتذيع المادوموزال اللّطيفة خمس مرّات انّو ممنوع التدخين، وهوّ سيغارة ورا سيغارة وعَ شوي رح يطفي ال سيغارة بالأرمة اللّي فوقو.

انا متأكّد لو كان هالانسان الحضاري بأوروبا كان احترم ومشي ع القانون.
إنّو عبالي أعرف ليش ما بيحوْشوها الّا بهالبلد...
وبيرجعو بيقولولك كيف ما برمنا بيضلّ لبنان أحلى بلد...
لو بسّ شعبو بيحترم نظامو بِصير أحلى...
بس ما هيدا جونا و هيدا نحنا...فَ "الماذا" التغيير يا منير؟

7 comments:

  1. Sar ma3eh marra zet l shi! Rehet eltello lal monsieur: 'mamnou3 l tedkhin hon' w dallayto 3al arma yelle fo2 raso. Talla" fiye ma3dejhke sakhife w el : 'ma3lesh, ma hadan be oul shi hon'. 3assabne, eltello : 'eh bravo' w fallet. Ma ken fiye jewbo shi aktar men hek, la2anno ma rah yestwa3eb. 'ma hadan be oul shi', hassayto metel telmiz madrase mabsout la2anno l m3alme mich bel saf z fi yetchaytan ad ma baddo.

    ReplyDelete
  2. guys check your email! I have made a video about the situation :D the sexy lady is saying her famous statement in 3 languages in the background ;)

    ReplyDelete
  3. The most exact description of a Lebanese dis boarding a plane, gz.

    ReplyDelete
  4. 100% la description du desembarquement!
    Wayno el Hukl to frown on the autopilot latcheh? :)
    The only reason the typical lebanese ma bi7awicha bara is because he knows he will have to pay the fine because his network in foreign 2amn el 3am is not so powerful!
    In all other cases bi7awicha add ma baddak!
    Bass 3ala koulin, mitl libnan ma fi :D Pfff

    ReplyDelete
  5. W BTW I like it when on MEA bitghitt el tiyyara w ba3ed chi 5 minutes, we hear a recorded voice saying: "Lakad Habatat al Ta2ira!"
    Anno come on dude! You think no one noticed? Sa7i7 el landing so smooth bass shi w menno

    ReplyDelete
  6. @Rima: actually i was expecting heek reaction, la heek ma 7kito chi... ça ne sert à rien yen3amal investissement 3ala hal "zalamé"

    @Fady: ka annak kenet ma3e! you should post the video on facebook.

    @Elias: wlik chou hal balad yelle rekib 3ala l networking wel fawda. w balad ra7 n3ammir...

    Tony

    ReplyDelete
  7. Well, i coudlnt pass without commenting on this, coz i lived this experience and repeated the command every single day of my life for seven yearsssssss!... ya jame3a "Keep your seat belt fastned until the complete stop of the aircraft and the seat belt sign is switched of"! w in 3 languages, wala hayat li man tounadi!
    by the way, i was just watching your interview on Helwe w Morra and I LIKE ITTT... heheeh... all the luck and keep it up.

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.