28.7.11

Social Networks

صرلي جمعتين بيوصلي ايميلات من الأصحاب وغير الأصحاب تأشترك ب وبسايت جديد شبيه ب فايسبوك. ولك يا جماعة عندي اكاونت فايسبوك وتويتر ويوتيوب ومي سبايس ولنكد إن... شو بعد ما عرفوا العالم عني ومش قادرين يعرفوا تـ فوت على هالوبسايت وخبر...

بلشت حس إنو في كاميرا عم تراقبني وين ما كان تتفرجي العالم بطولاتي، متل:
كيف كنت طارق سكرة ومش متذكر شو صار نهار السبت،
كيف علقنا بعجقة السير الإثنين،
كيف حطينا اجرينا و برعطنا بهالميّات الخميس
وكيف أكلنا متل البغال نهار الأحد.

خلص أنا رايح إلبس ورقة عريش وإتمشى على نهر ابراهيم وعيش لحالي مع هالعصافير...
أيّا عصافير، ليش بعد في عصافير؟ وين في عصافير؟
تنشوف على غوغل...

يعني صارت حياتي كلها عالانترنت. إذا بدي أعرف مين كان معنا بالسهرة بفوت ع فايسبوك، شو تغديت ب ١٥ شباط ١٩٩٢ بفوت ع تويتر، ب شو اشتغلت بالـ ٢٠٠٧ بفوت ع لنكد إن، شو كنت عم غني بالكاراوكي عالسكرة بفوت ع يوتيوب، على شو عصّبت هالسنة بفوت ع بلوغ سبوت... ومش حيالله بلوغ سبوت... عـ"توم اكسترا"!

No comments:

Post a Comment

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.