23.12.11

The silent disco experience.


رحت السبت الماضي على silent disco بسويسر.ا يعني كانت الحرارة شي 1 ، وكانت السهرة برا :
("أون بلين اير" متل ما بقولو بالفرنسي.)

شو يعني silent disco؟ هوي فكرة بعد مش مسموع يمكن فيها بلبنان:
















عبارة عن سهرة مافيها موسيقى ملعلعلة، يعني كل شخص بينعطا سماعات للرأس وللرقص.
بكون في 2 DJ's كل واحد بيلعب نوع معين من الموسيقى موصولة لاسلكياً بالسماعات وكل شخص
بغيّر الموسيقى حسب ذوقه.

قررت أنا وصديقنا الجديد بتوم اكسترا "dasùan"  من الصين ندرس الوضع ونشوف إذا silent disco بتزبط بلبنان أو لأ وبعد حوار طويل، ومناقشة إتضح لنا أنو ما بتزبط للأسباب التالية:


1- بالسهرة الواحد بيدفع أجار السماعات وبردن عالضهرة بس بلبنان ولا "كاسك" رح يرجع لصحابو: هيدا يلي بالجزدان، ويلي تحت الجاكيت، ويلي بالـchignon

2- وعلى سيرة الـchignon. أنو كيف معقول الدموازيل تحط الـ"كاسك" عالتسريحة والـ"بوكل أنغليز" يلي صرلو عبدو الحلاق بفتول فيون من الساعة 10 الصبح؟

3- بعدين بما إنو silent disco يعني مافي "سبيكرز"، كيف بدا تطلع الانسة تخلع عالـ"سبيكر" بالـminijupe؟

4- بيوقع نص شباب لبنان بِحِيرة: هل يا ترى بشِيل الـ"رايبان" عن شعري بالليل تحطّ السماعات أو هل هنّي ملبّصين عالـgel؟

5- بما إنو الموسيقى بالدينين مافينا نثرثر عَ بعض: ليكي هيدي شعرا، وليكي هيدي الفستان، و مافي الشباب يحكو عالتليفون الساعة 3 الصبح "تلفون ضروري" ، انو شو اجِت الشحنة من الصين!؟

6- وأخيراً وليس آخراً، كيف بدو الحي كلّو يسهر للساعة 5 الصبح ع صوت الموسيقى، كيف بدّن الأولاد ينامو عَ رواق، كيف بدّن شبابيك البيت ما يرجّو كلنّ سوى شي ليلة سبت؟


صراحةً كل هيدا حكي، نحنا اكيدين انّو السهرة بتزبط، بس حبينا نتساءل شوي، كانت "اكسبيرينس" حلوة كتير، عقبال عندكن يا شباب وصبايا!


Youtube link
 Image source


4 comments:

  1. Dasuan is the expert bil "telephone el daroure" :D

    ReplyDelete
  2. yala toom extra uve been the first in many things, natrin first silent disco extraaaaa kamen! :D

    ReplyDelete
  3. @Mirab : Dasuan tole3 bel fekra kamen :) hahahah tol3it auto-biography !

    @Lemon Tree: Who knows, maybe ? :)

    @Rod : Hehehehe :D

    Thank you all for reading <3

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.