20.1.12

صفر

تْنَين تحت الصفر:
الله يرحم اللّي سقطو بحادثة البناية اللّي توالت من بعدها تساقطات وإنهيارات بعدّة مباني، جدران، مبادىء، قيَم، إلخ...

واحد
تحت الصفر:
منشكر جميع اللّي أنذرونا من خلال "الواتساب" أو الـ"بي-بي" أو "الإيميل" أو "الفايسبوك" أو الحمام الزاجل على عدم إستعمال جسر جلّ الديب، زمطنا!

صفر:
"وزير-فلتة-مسؤول: ليُفكّ الجسر لا استطيع طمأنة الناس ..."
نعم... بهالجملة ومن الصفر رح بلّش واليوم فالتة معي شوىّ فإذا كتير "سانسيبل" ما تكفّو أفضل:

ريتو الله يفكّ رقبتك إنت وهالأُرطة كلّن اللي مسمّيين حالكُن "مسؤولين" بِبلدنا الحبيب التعبان المهرغل (m'har-gal) لبنان.
أمتين دخلك حدا منّكن طمّننا بِشي؟
وأمتين بتحكو عن شي مشروع إلّا ويكون في شي "تزبيطة" وفوق الدكّة بتربّحونا جميلة من كيسنا!؟
وأمتين ندفستو اتّفقتو على شي بِفيد هالبلد من وقت اللي بلّش؟
ولشو بتضلّك تقبض من بعد ما تفلّ من الحكومة أو البرلمان؟ (هيدي بضهر البَيعة).

ونحنا...يا عين صبّي كازوز... شو نحنا أحسن؟

ما بيحلالنا إلّا نركض ونولوِل وقت توقع الواقعة ومنصير مفتّحين عيوننا على كلّ شي وبدّنا نحمي القرايب والأصحاب، اللّي منعرفو واللّي ما منعرفو ويا لطيف وأوعا وياي، وتنظير ونقاشات علميّة فلسفيّة محتدمة وأضرب وأُطرح وبس يقطع القطوع..."بترجع حليمة لعادتها القديمة":
تفشيخ، تزمير، تدُوبُل، تزبيطة، فول من الشبّاك، كيف بدّنا نقرط فلان وعلتان، مظاهر، إبّا عالأوتوستراد، إستهبال، شفّط بالحيّ، إستجداب، إلخ...

لَيكو؟
هلّق لانتبهتولو هالجسر الأخو المنيوكي؟
وهالبناية اللّي وقعت هيدي هيك يعني "أوبا ليسّا"؟
وهالبيوت المشرذمة بكلّ تعتيرها بالجنوب وبِبيروت وبِعكّار وبالشمال وبالمتن وبِكسروان وبالبقاع وبالشوف وبالـ... وبالـ... هودي شو؟
ولِه ما تلات ترباعُن بيوت من ورق مش معروف أصلاً كيف آخدين ترخيص ولا معروف فيهن وفوقُن وتحتُن وحدٌّن قفا مين بوجّ مين!
ولِك البلد كلّو ما حدا بيعرف كيف ماشي!
بس نحنا توم إكسترا منعرف كيف ماشي:
ماشي بالعتم وإجريه حافيين وعم بِدسدِس ومرشّح ومعو "روماتيزم" ومعبّى غازات... إكسترا.

-------
كلّو بيلعب ونحنا منحكي آملين يطلع بإيدنا شي يوم نخلق طبقة شباب واعي يشتغل من قلبو ليقيم لبنان من الغيبوبة.
بركي منوصّيلنا على شويّة ضفادع من الصين بيتحوّلو لجسورة؟ أو موتورات؟ أو جزمات؟!
إيه منيحة الجزمة!
أهمّ شي تتأكّدو إنّكن لابسينا وقت يلّي بِبلّش التطبيس...
نوتة بيني: على فوقه، بفضّل "تيرشرش" بمليون مرّة على الـ؛دبّك دبّك" الـ"ترانساوي" (من trance)، عالقليلة بيِندبَك عليها! أوكي؟

4 comments:

  1. betfecho l khele2! thank u! and its so true... I hope the Lebanese youth will put aside kel hal tefchikh l bala ta3me and do something... sobtouwa hiyye "ghayboubeh". aaaahhhhhh makes me wanna scream of rage!! thx 3ala fachet l khele2! bass ma btekfeh hon!

    ReplyDelete
  2. 3n jadd betfecho 5ele2. mni7 ino fi ness btes2al nafes as2ila li 3m betse2alo. inno kel hole 2abniye, kif t3ammaro? min i mode 3ala ro5ass?
    fi 7ada ken 3m yochrof 3layon? 3am bicouf iza bira3o shourout l saleme l 3amme? walla kel wa7ad byotla3 byetfazlak bass l 3alam tmout? bil niheye shou 5osranin? henne byouton me7miye.

    ReplyDelete
  3. طيب... لكِن من وين منشتري الجزمات؟؟؟ بتعملو سعر إذا بدنا وثقة كبيرة؟

    ReplyDelete
  4. ahla shi el estetrad bel ekhiirr :P
    nice one !! :)

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.