23.5.12

Come on baby light my tyre


سؤال زغير: ليش كل فترة بهالبلد بينزلوا العالم عالشوارع وبيحرقوا دواليب؟ شو قصة حرق الدواليب؟
يا أخي كيف يعني هيك فجأة وبلا أي إنذار بينزل الشعب عفوياً  ويتنظّم وبولّع الدواليب ؟
ولك من وين اجو هالدواليب؟ 

كيف بتصير يعني... بيوصل الزلمي على البيت معو دولاب بكل إيد وبقلها لا مرتو : "حياتي ضبيلي هالدولابين عالتتخيتي... بلكي صار ما صار، وبدنا نسكّر شي الطريق... أحسن ما نصير نشحد دواليب".

أو مثلاً، هل يا ترى في بلبنان صندوق تعاضد أو جمعيّات خيريّة لتجميع الدواليب، وأنا مش عارف؟ وكل سنة قبل الميلاد أو بشهر رمضان مثلاً، بينزلوا تليفونات وبيعملوا حملات لتجميع الدواليب للمحتاجين؟ وتوزّع الدواليب بالمناسبات مثل الجمعة الماضية؟

وبعدين كيف يعني بيولّعوا هالدواليب بلحظة؟ يا أخي نحنا بس بدنا نولّع باربكيو، بصير كل واحد فينا يحاول من ميلي، وينظر عالثاني، ومنضلّ شي ٣ ساعات لتوليع هالباربكيو... الشباب بولّعولك شارع بأقلّ من دقيقتين... شو في دورات تعليم لتوليع الدواليب؟ مع "ترافو براتيك"؟ وشهادة جامعيّة؟

وهل يا ترى دولاب "البريدجستون" بيولع بطريقة مختلفة عن دولاب "الميشلان"؟ وهل يا ترى ممكن يوماً ما إنّو "الغوديير" يصنّعوا دولاب صديق للبيئة؟ بس تولّعوا بتفوح ريحة الغاردينيا والياسمين؟

يا جماعة قصّة الدواليب طرحت مسائل واسئلة كبيرة، ما كنا مفكّرين فيها أبداً... يعني نشالله يضلّ الشعب اللبناني بهالهمّة ويضلّ يطلعلنا كل فترة بخبريّة تخلّينا نفكّر بإشيا ما كنّا مفكّرين فيها...  ويضلّ يلهمنا تنكتب بتوم اكسترا... 

وشكراً

14 comments:

  1. يعني لازم نعترف وبكل رحابة صدر انو في ناس بهالبلد موهوبين اكتر منّا، مشتغلين عحالن الجماعة، عرفوا كتير منيح يشوفوا لبعيد ويقفروا السوق ومتطلباته... نحنا اذا نفّس دولاب السيارة ما منعرف نغيّره، ايه بس ما منقبل غير الجنوطة يكنوا "اسورتي" مع المكنة، وهني بكم دولاب عم يعملوا بلد "اسورتي" معن ومع كل مين بيشدّ عمشدّن... فهنيئاً لنا

    ReplyDelete
  2. أي لاف يور كومنت مي دير راشيل
    thanks for reading us!

    ReplyDelete
    Replies
    1. ثنكس فور ساينغ ذات، إت مينز ألوت
      Cheers!

      Delete
    2. btw
      from now on we can't say
      الله مع دواليبك أو الدنيا دولاب
      shit i use to like these 2 expressions
      peace

      Delete
  3. bokra bi wal3o dweleeb l yanaseeb 3a chi munesabe kbeere!

    ReplyDelete
  4. Haha, funny. Yeah, we are the ones lagging behind, we should all be trained on such vital elements of Lebanese street politics: burning tires, setting up check points, car smashing, face painting for camouflage, using machine guns while smoking a shisha,...All of this and more will be offered in the introductory course Revolution and Street Manners 101.

    ReplyDelete
    Replies
    1. and who's gonna be giving the lecture of this course?
      any propositions?

      Delete
  5. فكرة تشعيل الدواليب بتخلينا نكون خلافين أكتر. يعني الحق علينا، نحن ما عنا خيال كافي. شي مرة فكرنا نكبّ زهر مثلاُ بالمظاهرة متل زفة أو عرس؟ لا. شي مرة عملنا تنكر أو لبسنا شيء زيّ ؟ كمان لا. وقت نتخرج من المدرسة منعمل ت-شرت و لا مرة اشتغلنا على حالنا كرمال قضيّة. الحق مش علين. الحق علينا. نحن جبناء ومنخاف نعمل شي كرمال قضايانا. هيدا اذا عنا قضايا. منخاف نعمل شي حتى لو كان حلو وبسليّ. نحن عازلين نفسنا عن قضايانا. يلي التظاهر كرمالا معقولة ياخد منحى مهضوم. أهضم من حرق الدواليب.

    ReplyDelete
  6. أكيد. ليه بدنا نخلّي شي هلقد بشع يدخل ثقافتنا. نحن منقرر كيف بعني عصيان مدني. نحن فينا نعطي شكل جديدز

    ReplyDelete
  7. achhar min an tou3araf sarit dwelib lebnen, wasil sita la weyn ma ken :P sa2afe jdide

    ReplyDelete
  8. Well, sadly enough this post reveals such a barbarous side of people.. and as much as we try to make fun of these tire fires incidents, yet we should never underestimate the power of a person to be able to set a tire on fire.
    After reading this post, i got curious to learn the history of why people burn tires. so i checked google for: "history of burning tires".
    However, not much analytical explanation was there except for wikipedia where they explained how tires are set on fire and i quote: " A single tire contains about the equivalent of 7.5 liters of oil" and "It must be heated to at least 400 degrees celcius for several minutes prior to ignition."
    Learning this fact made the person behind tire burning AKA "the Tire Burner" a very dangerous person. Since as i read in some article (link posted below) that the person burning a tire must contain some sort of mass destruction weapon.. Not sure how exaggerated this statement is, but to be on a safer side.. if it exists.. we should be warned on this issue.
    Not to mention the pollution one burning tire is emitting into our once upon a time clear skies... I am not sure what we as idnividuals can do about this latest "trend", but yet again i hear myself asking the same question over and over again... Where is our lovely caring government? i still hope at some point i could someday get a reply to this question..

    If i continue talking i wouldnt stop :) we all have so much to say.. but what is said in this post sends out a clear message.

    Here is the link FYI:
    http://www.peoplesdaily-online.com/opinion/opinion/29214-mystery-of-the-burning-tyre

    ReplyDelete
    Replies
    1. lol c'est bon je dormirais plus cultivé ce soir ;)

      Delete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.