14.6.12

من بيروت لجونية

من أغنى الأوقات لإقدر لاحظ إشيا زغيرة، بتضحّك أو بتبكي، هيّي الأوقات يلّي بكون فيها بالنقل العام (هلّق أكتريّتو خاص بس ماشي الحال)...

طلعت بهالـ"فان" وسُرِرت لسماع تراتيل بدل التشتِك تِش والـ"بومبِك بوم" والتعواية السياسيّة عبُكرة الصبح. راقت معي وبلّشت المفاجآت البصرية تتوالى عليّي:

١. "الشوفير" حبّوب ومهذّب وعندو مكتبة كتب مقدّسة فوق مرايتو ومسابح وصلبان ويلّي بدّك بس كنّا رحنا معو عالأبديّة شي خمس مرّات بسبب مطاحشتو لأصحابو الفانات على غير ركّاب وبدل ما يسبّ للغير بقلّن: "روح! الله يلعنك!" أو "الله لا يوفّقك ويبليك!"...
منيح يلّي ما قلُّن "Vilain! Au coin"...

٢. بمحلّ معيّن على الأوتوستراد بيقطع من حدّنا سيارة للأمن الداخلي أشبه بجرّافة مصَورخة سبّبت بحادثين  ضلّت مكفّاية ولا سئلان يلّي سايقها عن حدا... يمكن كان كتير جوعان وحسّ إنّو في تهديد للأمن القومي فقرّر يضحّي بكمّ مواطن فداءً للوطن لحين وصوله عند الـ"دوا تشيكن" بأنطلياس...

٣. يافطة إعلانية كبيرة بمنطقة الذوق بتلفتلي نظري: "المعجزة يغنّي العمالقة".
أوووووه... شو هالعنوان السكسي-الشدّيد-الزجلي-الحنون، فعلاً أعجوبة الأعاجيب هالصبي الزغير يلّي بِوقفتو وعويناتو الـ"راي-بان" وقميصو المبهبط عليه أكيد رح يطلع شتلة "جغليّة" (من "جغل" jagal) لبنانية أصيلة.

٤. الستّ الختيارة اللّي بدّا تتشاطر على "الشوفير" وتدفع ١٥٠٠ ل.ل. بدل ٢٠٠٠ ل.ل. "ما أنا صرلي زمان ما جيت بالسرفيس وما بعرف إدّيش صارت التسعيرة! آخر مرّة دفعت ٥٠٠ ل.ل.!". تقبريني يا "تانت" شو إنّك عتيقة.

٥. العمّ يلّي طلع آخر وا حد قبل ما نوصل على جونية وعاد الخبريّة ذاتها شي ١٠ مرات وإنّو ضايع وإنّو نصبو الباص يلّي قبل وإنّو "إييييه... كلّ واحد إلو نصيبو من العذاب بهالحياة". بالآخر ساعدتو ونزل معي ووصّلتو مطرح ما كان رايح.

٦. وأخيراً وصلت على مكتبي بجونية بعد ما مشيت شي ربع ساعة، دوّرت الكمبيوتر، فتحت فايسبوك واكتشفت قطّة عم تنوّي أغنية كلّ تهبيل و ومقابيلها في نمر عم يستعدّ تا ياكلها! صدق بيّي لمّا قال عن كلّ وحدة مفكّرة حالها عم تغنّي: "ليك هيدي... طالع صوتا من ****!". بيّى مش بسّ طالع من هونيك... عم تغنّيلو كمان!
---

ومن بيروت لجونية يا عيوني...
شفت العجايب والله...
هلّا هلّا...

قطّ وغنيّة عفوني يا عيوني...
حالتنا معدومي واللّه...
هلّا هلّا...

14 comments:

  1. Brilliant. Public transportation is inspiration to me too. You hear and witness lots of people's stories.

    ReplyDelete
  2. the one i like best is story number 6 :)
    with all the "in7itat" of the song industry in lebanon there are some people that find a way to bring it further down

    ReplyDelete
  3. عم تعيد حالك كتير يا سماح. نفس الأفكار والأخبار صارو بتلاتين مقالة. لازم تجدد شوي

    ReplyDelete
    Replies
    1. بالاذن منك مجهول، البلد هو اللي عم يعيد نفسه... وسماح متلي تماما، عم تلعي نفسه

      Delete
    2. وين بالتحديد عم عيد نفسي وبتلاتين مقال؟
      "الأخت راشيل مشكورة على الدعم وقالتها: " البلد هو اللي عم يعيد نفسه
      إذا عندك مواضيع بتحبّ نلتفتلها أكتر تفضّل ما حدا مانعك، شاركنا فيها...
      ومرة الجاية كتوب إسمك لنتعرّف ونعرف مع مين عم نحكي.

      Delete
    3. بصراحة ما بعرف عن شو لازم الواحد يحكي لما المواضيع بتفرض حالها فرض.
      خيّي سماح خلّيك عم تحكي هيك، عن اللبناني يللي بصراحة خايفة عليه يروح "اوفر دوز" محن بعد افتتاح السينما الجديدة والآتي اعظم،او هبل بما انو انتخابات ال٢.١٣ عالباب، الباب الورّاني اكيد...
      او ناقش موضوع الموت الرحيم لأنو الظاهر انو ال"كوما" يللي غرقانين فيها من اكتر من ٤٠ سنة ما بقا في امل نطلع منها...
      خليك عم تحكي عن التفاصيل يللي قد ما تكون صغيرة، بالنهاية هيّي السبب و هيي النتيجة.
      وعليكم السلام

      Delete
  4. Samah, its getting boring honestly. Maybe its a personal opinion and not all might agree but we need stuff!

    ReplyDelete
    Replies
    1. What's getting boring?
      What stuff do you need?
      Tell me and I'll let Santa know :)

      Delete
    2. Your posts with all my due respect, we need new material, new topics

      Delete
    3. Sure, no worries, it's your right.
      Would you enlighten me on topics that would interest you?

      Delete
  5. Hello toom team!
    i really like your blog and your yellow book. I read your posts almost each week.

    But i have one rebuke to say: i think you are rude when it comes to comments. Readers have the right to disagree with your ideas, find them boring or cliché. This is key message in the video you posted!!!
    i'll give you a simple example: ومرة الجاية كتوب إسمك لنتعرّف ونعرف مع مين عم نحكي
    it sounds like "tell me who you are so i can kick your ass"... it's very offensive in my opinion, and you don't need that! This is one example but there are many others.
    I think you should be more understanding & nicer with your readers.

    Have a nice day and keep on the good work!
    Fad

    ReplyDelete
    Replies
    1. Hello Fady,
      thank you so much for your feedback, it's really much appreciated.

      I apologize for any reader that I personally offended, however this is my character, Toom Extra is 1/3 dynamite and I find it ruder for readers to criticize and generalize by throwing senseless comments here and there.

      Akid I never meant it this way, this is not my style but I hate someone addressing me wearing sunglasses what does that leave to someone "criticizing" me anonymously?

      By all means we're friendlier than a teta in a village inviting you to come in and have a cup of coffee! :)

      Hoping to meet you in person at our next gathering on July 8... not to kick your ass!
      Peace

      Delete
  6. This comment has been removed by the author.

    ReplyDelete
  7. Countrary to what people think, Sabah's song came AFTER the Barilla commercial not before it (she heard it the commercial and told Elias el Rehbani she wanted a song with the same music). So there now you know.

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.