17.8.12

حان وقت الجودة

سمعت اليوم خبرية إنّو ابتداءً من شهر أيلول رح يتعمّم قانون منع التدخين بالأماكن العامة المغلقة...

حلو، حلو كتير! أنا بشجّع هالقانون. يلّي بيعرفني رح يضحك أكيد، بما إنّي "heavy smoker" بس تعوّدت بعد العيشة بدبي وأوروبا إنّو الدخان ممنوع يعني خلص الدخان ممنوع. 
قدّيش معقول يزبط هالقانون؟
مين معقول يطبق هيك قانون بلبنان ؟

تخيّلوا مجموعة نسوان حول ركوة قهوة/لألأة نازلين برش بالعالم، تخيّلوهن مع السيجارة والقهوة وكمية التثرثر يلّي بينبع من هيك جلسة.
هلّق تخيّلوا بلا سيجارة، تخيّلوا السمّ والتعصيب والـ"فودو"... يا رب السترة ...

أو تخيّلوا مثلاً "البزنس مان" اللبناني الأصيل، قاعد بـLina's بلا السيجار الطويل يلّي عادةً بيستعملو لينكز الـvalet تيجبلو السيارة بسّ يقرر يفل.

أو مثلاً، مثلاً يعني، ناس من عمرنا هيك سهرانين ورقص وياي و"جو دو لوميار"، والشبّ الجغل مش قادر يحمل سيجارة بإيد وكاس بإيد. بصير مش عارف صديقنا  شو بدّو يعمل بالايد الفاضية! معقول يصير في يمسكلها إيدا للآنسة يلّي صرلا ساعة بتترقوص بخلقتو، هيك بخفّ شويّ الكبت الجنسي بهالبلد.

أو مثلاً معقول سائق البوسطة يصير يركّز عالطريق بدل من سيجارته ويوقّف للركاب مطرح ما بدّن ينزلوا مش عند تاني مفرق؟ 
...
آخ يا بلدي! شو بدّك تغيير، ما عرفت تغيّر غير فشّة الخلق الوحيدة تبع شعبك...
ما هوّي إذا دخنّا أكتر من موت أسرع، بركي بينقرض جيلنا والجيل يلّي قبلنا، هيك منترك الساحة للجيل الجديد أبو الرّوايه النضاف المهفهفين. 

3 comments:

  1. Eh Walla La ydakhin l balad ! Akbar mouzahara...
    3am tetkhayal l balad bala arguile:

    Al law l arguile 3al kahraba la nezil l sha3eb killo tzahar... Kif iza khtafit l arguile!!

    ReplyDelete
  2. iza ttaba2 hal 2anoun bikoun 3am yballish yssir 3enna balad :)

    ReplyDelete
  3. هوي لو بِوقفو هالدخان بالأماكن الخارجية قبل ما يفوتو لجوّا شو كان احلى. (حرق دواليب و ما شابه)

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.