20.1.12

صفر

تْنَين تحت الصفر:
الله يرحم اللّي سقطو بحادثة البناية اللّي توالت من بعدها تساقطات وإنهيارات بعدّة مباني، جدران، مبادىء، قيَم، إلخ...

واحد
تحت الصفر:
منشكر جميع اللّي أنذرونا من خلال "الواتساب" أو الـ"بي-بي" أو "الإيميل" أو "الفايسبوك" أو الحمام الزاجل على عدم إستعمال جسر جلّ الديب، زمطنا!

صفر:
"وزير-فلتة-مسؤول: ليُفكّ الجسر لا استطيع طمأنة الناس ..."
نعم... بهالجملة ومن الصفر رح بلّش واليوم فالتة معي شوىّ فإذا كتير "سانسيبل" ما تكفّو أفضل:

ريتو الله يفكّ رقبتك إنت وهالأُرطة كلّن اللي مسمّيين حالكُن "مسؤولين" بِبلدنا الحبيب التعبان المهرغل (m'har-gal) لبنان.
أمتين دخلك حدا منّكن طمّننا بِشي؟
وأمتين بتحكو عن شي مشروع إلّا ويكون في شي "تزبيطة" وفوق الدكّة بتربّحونا جميلة من كيسنا!؟
وأمتين ندفستو اتّفقتو على شي بِفيد هالبلد من وقت اللي بلّش؟
ولشو بتضلّك تقبض من بعد ما تفلّ من الحكومة أو البرلمان؟ (هيدي بضهر البَيعة).

ونحنا...يا عين صبّي كازوز... شو نحنا أحسن؟

ما بيحلالنا إلّا نركض ونولوِل وقت توقع الواقعة ومنصير مفتّحين عيوننا على كلّ شي وبدّنا نحمي القرايب والأصحاب، اللّي منعرفو واللّي ما منعرفو ويا لطيف وأوعا وياي، وتنظير ونقاشات علميّة فلسفيّة محتدمة وأضرب وأُطرح وبس يقطع القطوع..."بترجع حليمة لعادتها القديمة":
تفشيخ، تزمير، تدُوبُل، تزبيطة، فول من الشبّاك، كيف بدّنا نقرط فلان وعلتان، مظاهر، إبّا عالأوتوستراد، إستهبال، شفّط بالحيّ، إستجداب، إلخ...

لَيكو؟
هلّق لانتبهتولو هالجسر الأخو المنيوكي؟
وهالبناية اللّي وقعت هيدي هيك يعني "أوبا ليسّا"؟
وهالبيوت المشرذمة بكلّ تعتيرها بالجنوب وبِبيروت وبِعكّار وبالشمال وبالمتن وبِكسروان وبالبقاع وبالشوف وبالـ... وبالـ... هودي شو؟
ولِه ما تلات ترباعُن بيوت من ورق مش معروف أصلاً كيف آخدين ترخيص ولا معروف فيهن وفوقُن وتحتُن وحدٌّن قفا مين بوجّ مين!
ولِك البلد كلّو ما حدا بيعرف كيف ماشي!
بس نحنا توم إكسترا منعرف كيف ماشي:
ماشي بالعتم وإجريه حافيين وعم بِدسدِس ومرشّح ومعو "روماتيزم" ومعبّى غازات... إكسترا.

-------
كلّو بيلعب ونحنا منحكي آملين يطلع بإيدنا شي يوم نخلق طبقة شباب واعي يشتغل من قلبو ليقيم لبنان من الغيبوبة.
بركي منوصّيلنا على شويّة ضفادع من الصين بيتحوّلو لجسورة؟ أو موتورات؟ أو جزمات؟!
إيه منيحة الجزمة!
أهمّ شي تتأكّدو إنّكن لابسينا وقت يلّي بِبلّش التطبيس...
نوتة بيني: على فوقه، بفضّل "تيرشرش" بمليون مرّة على الـ؛دبّك دبّك" الـ"ترانساوي" (من trance)، عالقليلة بيِندبَك عليها! أوكي؟

16.1.12

من الصنايع لوسط مدينة...

السبت الماضي نزلنا نتظاهر ضد الإغتصاب بلبنان بجميع اشكاله. تجمعت الحشود حاملة القضية ومشت تحت العواصف من الصنايع لوسط مدينة بيروت... وسط المدينة، محل ما كانو نوّاب الأمة مجتمعين ليناقشوا بمطالب ومشاكل الشعب.
وبس صارت الحشود توصل عوسط المدينة، ركض النوّاب على شباك البرلمان، وصاروا يتفرّجوا على هالظاهرة الغريبة.

مندوب توم اكسترا كان داخل البرلمان وخبّرنا شو كانت ردود فعل بعض النواب هنّي وعالشباك:

- نائب معروف بشعبيّته: يااااااي شو هالعجقة... كيف بدنا نعمل تيصوّتولنا هودي كلّن؟ تنقول للشباب ينزلوا يوّزعوا كم دولار عليهن
- نائب معروف بخطته الإقتصادية: ٥٠٠ راس، إذا على كل راس ٢٠ دولار، بصيروا ١٠٠٠٠ دولار. تنقول للشباب ياخدوهن على مطعمي الجديد... هلّأ وقت غدا
- نائب معروف بسياسته العالميّة: كيف بدنا نقنع بان كي مون إنّو هالجماهير مجمّعة كرمالي وعم تنادي بإسمي؟
- نائبة معروفة بمواقفها الإنسانيّة: يه ليك هيدي اللّي عالميكروفون... ظفيرها مش لابقين على ثيابها... ليش عاملي بحالها هيك؟
- نائب معروف بمواقفه الجريئة: يااااااي على شي راس أرجيلة تفاحتين مع بطحة عرق نحنا وعم نتفرّج على هالحريم بثيابهن المبلّلة... ولك آخ...

الويل لأمة نوابها مغتصِبيها... ومغتَصَبيها لا يحميهم قانون... 


14.1.12

دعوة للتظاهر ضد الإغتصاب



نحن يلي عطول على الموضة، أحلى تياب ، وأجدد سيارات، والوان أظافرنا متل ألوان نظرتنا، نحن السباقين، يلي من قول انو نحن مثال المرأة الغربية بالشرق ، منسهر، و منرقص لا أخر الليالي .
مفكرين انو هيدي الاشيا السطحية بتخلينا نكون متساوين و أخدنا كل حقوقنا، غلط !  عم بيلهونا بالسطحي تننسى العميق ، تنضيع وقتنا ،وما نتذكر الأهم. الدفاع عن حقوقنا كمرأة هو يلي بخلينا نكون متساوين، هو يلي بخلينا نكون مكتملين.
العنف والإغتصاب جريمة، والمجرم لازم يتعاقب، إذا ما تعاقب المجرم، ما بيتعلم غيرو . وين قيمة المرأة بالمجتمع اللبناني، وبنظر الدولة ؟ خلينا كلنا سوى نطالب بحقوقنا، بكرا ١٤ كانون التاني  الساعة ١٢, إنطلاقاً من وزارة الداخلية الصنايع.













12.1.12

Lebanese In-laws 101

A while ago we wrote two posts giving tips to tourists coming to spend summer vacation in lebanon, you might think this one is similar but it's not, this post is for "NEW-non-Lebanese-preferably-non-oriental-family-members" coming to lebanon with their Lebanese companion to meet the family.

Have you seen the movie "My big fat  Lebanese Greek Wedding"?
Well don't, it will scare you off.

When you come to meet your future Lebanese family & friends be prepared for :

1- The Airport welcome committee:
Be prepared for a lot of kissing, hugging, hand shaking, and tears ("Eja el 3ariss/3arouss"!).
Yes, a good Lebanese family must show you its love and acceptance from the minute you arrive till the minute you leave. Just be thankful they didn't slaughter a sheep at the airport gate.

2- The morning after:
You think you've met the whole family members at the airport and you're fine for the next day, well... NO! Prepare yourself to go out of bed fully dressed and looking sharp, the rest of the family is already in the living room, sipping coffee and waiting to hear your door open.

3- The Sunday Lunch:
Never, like NEVER, finish your plate or your glass of Arak, grandma will think you're still hungry and "3ammo" will think you're still thirsty and they will keep on filling them until you or your liver explode: "Ya hasrté! Leiké ba3do jo3an! Sobbilo ta 2ellik sobbilo!". 

4- The Kitchy/Tricky Questions: (Arabic Accent/ literally translated words from Arabic)
- "Chou tu parles un peu arabe?" or "You speak arabic a little"?
Note:  Don't be tricked in answering this question with the few words you've learned in arabic like:    charmouta, hmar, etc...

-  "Tu as aimé le liban? / Did you like lebanon?" "On peut faire le ski et aller à la mer après en 20 minutes" / "We can ski & go to the beach in 20 minutes" (Would love to see you doing that now!).

- "Tu as goûté?" / "Did you try?"  Mankouché? Arak? Kechk? Almaza? Loz? Arguilé? Kebbé?
Kahwé? Labné? Baklawa? Hummos? Tabboulé ? etc...
Note: Just nod and say yes, or else you'll see your bags filled with Kechk and Baklawa. 

5- The Family Tree:
Don't waste your time trying to know how the members of one family are related, after all we are all cousins!

6- The Dabké Experience:
Warm up as you're gonna break dance the lebanese style. Yes, you cannot leave Lebanon without "dabkeing", so grab the hand of tante Yvonne and beat down your feet on the floor randomly, everyone will tell you how great a dancer you are, while we all know you're not.

7- Groundhog Day:
Now even-though you're coming to Lebanon every year (twice) since 2008, and you actually lived there for 5 consecutive months, you'll always hear the same questions, they will always teach you how to eat a bite of hummus with a lebanese bread, and how to dance Dabké...

... But they will also remind you each time how hospitable they are, and how proud they are of having you in the family, and you'll remember how lucky you are to have a Lebanese family, and why you fell in love with a Lebanese at the first place.

5.1.12

الحق عالأبراج

مشاركة جديدة من صديقنا الكاتب والمخرج يوليوس هاشم! إنجوي!

لَ حدّ هون وبس... أنا أكتر من هيك ما بقا فيي إتحمل بصراحة!
بدي أعرف أنا شو خَصني إذا الريّس "أورانوس" قرر يكزدر ويدخل بالمربع الخاص بالمعلم "جوبيتر"؟! شو عاملّو أنا تَيخربطلي حياتي ويأثِّرلي على أمور العاطفة والعمل والعيلة والمال والزواج...؟!

قال كل ما تحرّك كوكب مناكل نحنا الضرب! يا قطيعة! أنا التحرّكات من الناس اللي حواليي وتأثيرا عليي مش عم بقدر لحّقلا، بدي لحّق ع تحرّكات الكواكب؟!
       
بالحقيقة ما كنت صدّق بالأول إنّو هالخبريات مظبوطة، وكنت مفكّر إنو حياتي أنا بتحكّم فيا، وعلى قد ما بجتهد بنجح، بِغضّ النظر إذا زُحَل زحّط على المشتري، أو إذا عُطارد ميَّل على دائرة بلوتو، بس بعدين رجعت سألت نفسي: معقول إنو أنا وحدي كون معي حَق، وتلات أرباع العالم حولي أكيدين إنو الأبراج مظبوطة وبيتابعوها كل يوم؟! ومعقول إنّو أنا بفهم أكتر من "العُلَما" اللي بيكتبو كتب الأبراج وبيبيعوها بسعر أغلى من "قاموس اللغة العربية- عربي عربي- عربي فرنسي- فرنسي عربي" اللي فيه أكتر من تلات آلاف صفحة؟! ساعتها قلت أكيد القصة فيها وما فيها! ومن وقتا وأنا خايف على شعوب العالم كلاّ لإنّو نحنا كِلنا مقسومين بس لَ 12 برج، يعني إذا الثور رح يكون يوم النحس عندو الخميس الجايي مثلاً، ساعتها لحّق على كَم تور رح يكون منحوس، ولحِّق ع بكي ونحيب من 1/12 من عدد سكّان العالم!! بس بعدين رجعت رقت شوي لإنو تذكّرت إنو في الأبراج الصينية وفي برج الفارة والبقرة والكلب والنمر والأرنب والديك والحية والحصان والنمر والتنّين والقرد والخروف، هودي رح يشيلو شوية حِمِل عن الحَمَل والأسد والثور والحوت والغابة كِلاّ!
       
ما بخفي إنّي تابعت شوي عن الأبراج الصينية ولقيت إنو هونيك في إشيا أحسن، بس المشكل إنو ما عرفت مع مين بدّي إحكي تَ إنقُل نفوسي عليها؟! لا الشمس عم بقدر حُط عيني بِ عَينا، ولا القمر بعدنا نحنا وايّاه جيران! طيب شو الحَل؟!

صرت عايش بِخوف كبير وما عم بسترجي إتحرّك بقا! حتّى بهاللحظة هيدي ضرب وجع راسي! بدكُن تقنعوني إنو هيدا لإنو بعدني بلا أكل؟! ما فَشَر! هيدا أكيد المريخ كان "مُشتَري" شي "زُهرة" لَ "نبتون" قامت "الأرض" وما قعدت!!