20.6.12

Post VIP

تنستعيد شوي تاريخنا:

بلّشنا بالسهرات والحفلات نعمل مطارح V.I.P ما في يفوت عليها إلّا يلّي صرلو بيّو كم سنة بيسرق بهالبلد، قلنا منيح...

بعدين إجاتنا السيارة الV.I.P ...  يلّي بصفها الفاليه باركينغ بكل حنان على مدخل المحل... بينما ما بيتردّد يعربش على شي رصيف أوعلى سيارة تانية بس بدو يصف السيارة العاده... كمان قلنا منيح...

بعدين إجتنا الخادمة الV.I.P ... يلّي بتجي من الجنسيّة الفيليبينية أو الأفريقية تتحكي فرنساوي مع الولاد... بينما الشعب العادي "بيكتفي" ببنغلادشية أو سيرلانكية بأحسن الحالات... كمان قلنا منيح...

بعدين إجتنا الشرموطة الV.I.P... هيدي  يلّي بتجي بتغنّي... كمان قلنا منيح...

بعدين إجتنا البيسّين الV.I.P... هيدي بتدفع أغلى شوي تتسبح فيها، بس على القليلي بتعرف إنّواللّي بفنترو فيها V.I.P... يقال  إنّو فنتورتهم بتشفي من جميع أمراض الجلد والحلق...

وهلأ إجتنا السينما الV.I.P يا عيوني... مقاعد جلد فحل مذبوح حلال، وصينية كافيار متصيدهم فلاديمير بوتين شخصياً، وشامبانيا على نعنع.

يعني شو بدنا نحكي. إنو خلص يعني قرفتونا بالV.I.P وهبلكن. بتعرفوا شو ؟ هات تنعمل بلدين: لبنان عادي ولبنان V.I.P.
وإذا بدّك تروح ع بلاد الV.I.P بتقدم طلب فيزا سياحة أو هجرة.


كان عبالي أوصفلكن شوي كيف بتكون حياة اللبناني الV.I.P بلبنان الV.I.P ولكن بتركها للمرّة الجاية إذا حبّيتو هالبوست.

تبقو خبروني

14.6.12

من بيروت لجونية

من أغنى الأوقات لإقدر لاحظ إشيا زغيرة، بتضحّك أو بتبكي، هيّي الأوقات يلّي بكون فيها بالنقل العام (هلّق أكتريّتو خاص بس ماشي الحال)...

طلعت بهالـ"فان" وسُرِرت لسماع تراتيل بدل التشتِك تِش والـ"بومبِك بوم" والتعواية السياسيّة عبُكرة الصبح. راقت معي وبلّشت المفاجآت البصرية تتوالى عليّي:

١. "الشوفير" حبّوب ومهذّب وعندو مكتبة كتب مقدّسة فوق مرايتو ومسابح وصلبان ويلّي بدّك بس كنّا رحنا معو عالأبديّة شي خمس مرّات بسبب مطاحشتو لأصحابو الفانات على غير ركّاب وبدل ما يسبّ للغير بقلّن: "روح! الله يلعنك!" أو "الله لا يوفّقك ويبليك!"...
منيح يلّي ما قلُّن "Vilain! Au coin"...

٢. بمحلّ معيّن على الأوتوستراد بيقطع من حدّنا سيارة للأمن الداخلي أشبه بجرّافة مصَورخة سبّبت بحادثين  ضلّت مكفّاية ولا سئلان يلّي سايقها عن حدا... يمكن كان كتير جوعان وحسّ إنّو في تهديد للأمن القومي فقرّر يضحّي بكمّ مواطن فداءً للوطن لحين وصوله عند الـ"دوا تشيكن" بأنطلياس...

٣. يافطة إعلانية كبيرة بمنطقة الذوق بتلفتلي نظري: "المعجزة يغنّي العمالقة".
أوووووه... شو هالعنوان السكسي-الشدّيد-الزجلي-الحنون، فعلاً أعجوبة الأعاجيب هالصبي الزغير يلّي بِوقفتو وعويناتو الـ"راي-بان" وقميصو المبهبط عليه أكيد رح يطلع شتلة "جغليّة" (من "جغل" jagal) لبنانية أصيلة.

٤. الستّ الختيارة اللّي بدّا تتشاطر على "الشوفير" وتدفع ١٥٠٠ ل.ل. بدل ٢٠٠٠ ل.ل. "ما أنا صرلي زمان ما جيت بالسرفيس وما بعرف إدّيش صارت التسعيرة! آخر مرّة دفعت ٥٠٠ ل.ل.!". تقبريني يا "تانت" شو إنّك عتيقة.

٥. العمّ يلّي طلع آخر وا حد قبل ما نوصل على جونية وعاد الخبريّة ذاتها شي ١٠ مرات وإنّو ضايع وإنّو نصبو الباص يلّي قبل وإنّو "إييييه... كلّ واحد إلو نصيبو من العذاب بهالحياة". بالآخر ساعدتو ونزل معي ووصّلتو مطرح ما كان رايح.

٦. وأخيراً وصلت على مكتبي بجونية بعد ما مشيت شي ربع ساعة، دوّرت الكمبيوتر، فتحت فايسبوك واكتشفت قطّة عم تنوّي أغنية كلّ تهبيل و ومقابيلها في نمر عم يستعدّ تا ياكلها! صدق بيّي لمّا قال عن كلّ وحدة مفكّرة حالها عم تغنّي: "ليك هيدي... طالع صوتا من ****!". بيّى مش بسّ طالع من هونيك... عم تغنّيلو كمان!
---

ومن بيروت لجونية يا عيوني...
شفت العجايب والله...
هلّا هلّا...

قطّ وغنيّة عفوني يا عيوني...
حالتنا معدومي واللّه...
هلّا هلّا...

8.6.12

Ragots à gogo !


Yi ya tante chou 3amlé b halik ? Ce sera l’une des premières expressions que je vais entendre à
mon arrivée au Liban. Toujours ! Que tu aies perdu du poids, pris un peu, que tu te sois teint les
cheveux en roux, noir ou couleur caca d’oie, il y a toujours quelque chose qui ne plait pas à
ces tantes libanaises.

Perchées du haut de leurs miradors, nos sacrées tantines à l’haleine de café se nourrissent
de ragots et s’amusent à inventer des histoires sur leurs chers voisins, connaissances et
autres malheureux humains qui tomberont dans leur guet-apens.

Je ne veux même pas penser à ce qu’elles sont en train de concocter pour moi, mariée depuis
presque 3 ans, ayant choisit librement avec mon conjoint de ne pas avoir d’enfant…
pour le moment ( Quelque chose d’incompréhensible pour les libanais ), j’imagine déjà les
discussions: Haram hay2eton mafiyon yjibo wled ( Les pauvres, apparemment ils ne peuvent
pas avoir d’enfants ), Henné 3am bi jarbo bass mech 3am yemché el hal ( Ils essaient mais
ça ne marche pas )… OOH ! EHHH ! Qu’est ce qui se passe là ? Pour moi c’est tout à fait
normal de profiter de la vie, on est jeune, bordel !

Mais les potins on adore ça nous, c’est dans la composition des gènes Libanais, combien de fois
en Suisse j’ai essayé de trainer mes nouvelles amies sur le balcon, pour boire du café et fumer
une clope tout en inventant des histoires sur les autres, ça marche, mais ça n’a pas la même
densité qu’au Liban…mon cercle n’est pas encore bien étendu, les jeux de mots sont plus
compliqués à faire, bref mon besoin de ragots n’est pas toujours satisfait à la fin…
heureusement, il y a Skype !

Du moment que ça reste superficiel, juste pour rire un peu et parler d’autres choses que de
politique et de chansons, ce genre de pratique reste inoffensif, personne ne peut dire qu’il
n’a jamais balancé une blague pour se moquer d’une connaissance qui sait toujours tout
ou de la belle nunuche perchée sur ses talons qui passe sur le trottoir en face, ou bien de
critiquer la nouvelle couleur de cheveux de tante Jacqueline !

Voilà en parlant de ça: « sme3to 3an hol toom extra » bi dallon yente2do w yehko,
mfakrinlé 7alon chi !»

2.6.12

عطي فرصة لولد ليصور البلد

Toom Extra Team is supporting this cause, click on the page "عطي فرصة لولد ليصور البلد
to learn more about this project.