26.9.12

إقتصاد أخلاقي...

إنو شو مشكلة غلا المعيشة بهالبلد؟ إنو كيف الواحد بدّو:
يتعلّم ١٥ سنة بالمدرسة ويتحمّل جلاطة بعض الأساتذة والناظرين المنظّرين،
وبعدها ٥ سنين جامعة، ويدرس ١٢ ساعة بالنهار ويضطرّ يبيع الأرض يلّي ورثها بيّو عن جدّو يلّي هو كمان ورثها عن جدّو يلّي ورثها عن جدّو... تيدفع أوّل قسط،
وبعدها يبقى سنة عم بفتّش على شغل ومقتنع بكفأتو... بس ما بيلاقي،
وبعدها يضطرّ يدقّ أبواب أزغر وأكبر بيك أو شيخ هو أو عيلتو إنتخبتو، ويبسلو ايدو (ت ما نقول غير شي)،
حتى بالنهاية يلاقي شغل ب ٨٠٠ دولار  بالشهر... تعريب أوراق وملفّات بمكتب شي إقطاعي أو شركة بتبييّض أموال...

هيدا واقعنا يا أصحابي القراء... هيدا الحلم يلي شباب هالبلد بحقلن يحلموه...
٨٠٠ دولار بالشهر، اي نعم... حتى شباب هالبلد ما تقدر تكون مستقله مادياً... ما تقدر تستأجر أو تشتري بيت وتدفع الكهربا والبنزين والثياب وضهرة وحدة بالجمعة.

مبارح في صديقة ذكّرتني إنّو من ٨ سنين كان مشروع السينما يكلّفنا ٥٠٠٠ ليرة التيكت، ٢٠٠٠ ليرة البوشار و٧٥٠٠ ليرة البرغر مع البطاطا والببسي... يعني ١٤٥٠٠ ليرة مكسيموم.
اليوم صار تيكت السينما ب ١٢٠٠٠، وسندويش بتاكلو إنت واقف ب ٢٠٠٠٠ ليرة!... والأتي أعظم... يا جماعة أن عشت سنين بباريس والله باريس أرخص!

بس كيف بدنا نوقّف هالمدّ الاقتصادي الغير أخلاقي بما إنّو ما حدا من المسؤولين مهتمّ أو حاسس مع الشعب... 
في طريقتين: أو بدنا نجرّب نعلّي المعاشات، أو بدنا نجرّب نوطّي الأسعار... هات ل نبلّش بالأسعار... 

برأيي لازم يصير في هجوم منظّم على الانترنت ووسائل الإعلام ت نرجّع الإشيا لمحلها...
فينا مثلاً نبلّش ب "ليستا" بأسعار الإشيا اديش لازم تكون... أسعار منطقيّة... ونوزّعها وين ما كان... وكل شخص منا بشارك بهالحملة ما بيشتري بقى على جمعة واحدة شي أغلى من السعر يلي بهاليستا... 
هيدي فكرة مثلاً، أولكن معقول تهم وسائل الإعلام؟ وانتو يا بلوغرز بتفوتو فيها؟

إذا كنتو بتأيدو هيك حملة، بليز حطّو هالبوست على الفايسبوك أو تويتر أو البلوغ تبعكن... تنشوف إذا فينا نمشي بهالحملة الاكسترا.

20.9.12

Explosive Combos: الجزء الثاني

بالجوانب الغنية للمجتمع اللبناني، غير الثقافية والدينية والجغرافية، في جوانب دقيقة معروفة أيضاً بإسم "Explosive Combos".
الـ Explosive Combo بيِجمع بين شخصيّة من مجتمعنا وشيء من إختراعات البشر. هالخليط بيولّد كائن جديد ساحر...
هيدي تتمّة للجزء الأول يلّي كان بالإنجليزي.

١. فيل الـ"موبيليت"
نادراً ما بيكون صاحبنا وزنو أقلّ من ١٣٠ كيلو، مسلّح بـ"تي-شيرت" على قدّ الجسم بتبُرز حجم "كرشك الأبيض لَيومك الأسود" بالإضافة لـ"شورت" أشبه للشروال وأكيد شحّاطة "سبيسيال-موبيليت" بتساهم بالفرملة. هالوصف ما في شي فوق الطبيعة ونحنا منِحترم الإنسان شو ما كان وزنو وذوقو بالتياب بسّ يلّى خارج عن الطبيعة هوّي هالشقفة المبيّنة من مؤخّرة صاحبنا... شي شبيه بخليط الـ"غراند-كانيون" وغابة الأمازون. فعلاً منظر بِحَرِّك... الأمعاء!

٢. إمّ كيس لويس
خدودها مورّدة، عويناتها آخر موضة، جسمها لبّيس، والـ"Papi" ما بيرفضلها طلب. بتتعلّم بمدرسة ممنوع فيها العربي لأنّو  "نياعء... كتير فولغير"! وبسّ تنزل عالسوق... عفواً عالـ"Beirut Souks"، دايماً شنطة لويس مرافقتها.
آه، ما عرِفتو لَلويس؟! Louis Vuitton أو LV للفهمانين. ولك شو هالكيس اللّي حاملتي يا عمّو يلّى بِعلّم 10 ولاد بالثانوية الرسميّة مع أوتوكار!
آه يا إمّ كيس آه!

٣. دون فانيلّوني دي تريلّا
من أشهر الـcombos هوّي شخصيّة شوفير الكميون/التريلّا مع الـ"فانيلّآ". الله! بتشوفو معرّم ورا هالمقود، نافخ صدرو -بغضّ النظر إذا كميّة شعر الصدر كتيرة أو معدومة- عويناتو السود بيحكو عنّو وسيجارتو ما بتفارق تمّو. بترتبيّة الشخصيّات المؤثّرة بتراث بلدنا الحبيب، بيِجي دون فانيلّوني دي تريلّا  مباشرةً بعد فخرالدّين ويوسف بك كرم... "بليز دون فانيلّوني! بليز اهرسني بِكميونَك!"

٤. أمير الغموض

بيتكاتر هالمخلوق مباشرةً عند إنتهاء السنة الدراسيّة المدرسيّة. بِحكم إنتصارو على مرحلة المدرسة، ومن بعد ما يطبُل الدني زمامير وفرقيع وطبل وزمر ومواكب، بقرّر يتبنّى الغموض وسحر الشباب، فبياخُد كلّ يلّي مجمّعُن خلال السنوات يلّي مرقت وبيستثمر بعوينات Rayban. وفهمكُن كفاية... السجاد الأحمر بينفرشلو، الشمبانيا بتنزلّو، الصبايا بتركعلو...
بسّ يا بهلة بس! قرّب ليخك شي كفّ بركي بتفتح عيونك وبتفهم إنّو الحياة بعد ما دوّقتك المرّ، هيك بتترحّم على إيام الـ"gourde"!

2.9.12

METAL EJRÉ

So this upcoming week is my birthday and I am gonna be 28 :s
I really can't remember how I got here.

So now I'll hear more of "walaw?! ba3dik lebssé Converse?" / "Walaw sorté 28 ba3dik btesma3é Metallica?" /  "Ste7é 3a kobrik w chilé hal 7al2a men 7ajbik..." and the worst: "Emtin badna ne2cha3lkon? Sorté 28 mech 7elo el fare2 ykoun kbir baynik w bayn wledik..."
("You still wear Converse?" / "You're 28 and you still listen to Metallica?"/ "Remove that brow-piercing will you? You're 28 for God's sake!" / And the the most obnoxious one "Come on! When are you going to have a child? It's not cool to have a big age difference between you and your child... ")

mmmm... Every year I get anxious around my birthday period, because I don't wanna hear these remarks and expressions, I didn't know there was an age limit to wear Converse, or to listen to any kind of music...

Speaking of music, we went to see Within Temptation's concert in Forum de Beyrouth this summer, the opening act was one of the greatest female voices in the world "Anneke van Giesbergen", we were around 800 (eza cha2et 7ala), one of my friends told me last week in Pitbull's concert it was a full house Forum, while another friend told me that there were around 20 people in Moonspell's concert...

I feel sad for the metal scene in lebanon which is a great one with a lot of promising bands (check out the list here). The Lebanese should educate themselves and understand that Metal-heads are not bad people, they are not satanists and they don't drink your blood in your sleep. Metal's most influential musicians have been guitar players who have also studied classical music, but then again whenever we hear classical music in Lebanon we ask "Min met?" (Who died?) 

Yesterday we got our tickets for WOA (Wacken Open Air) the biggest heavy metal festival in the world, which I had the chance to attend in 2011, and it was one of the best experiences in my life, those people you see wearing black, tattooed and pierced are the most friendly and peaceful people on earth,  and like we say in Lebanese "ma sar darbet kaff " (There was no fights nor brawls), and guess what? There were 60-year old fans and even 70-year olds!  So that proves my point that Metal has no age and we will be camping again this summer in Wacken land.

Anyway, I'll also be extremely happy this wednesday to hear my parents singing happy birthday on the phone and my friends calling me like every year (without facebook's help ;)) and everyone else on fb, I'll be 28 yes but at the end what counts is that in my head I will always be 24 and METAL EJRÉ :)