4.2.13

توما اكسترا - Tooma Extra


بحب الموسيقى و بحب الأصوات الحلوة، وبحب أحضر برامج الموسيقى، مبارح حضرت على شاشة TF1 برنامج THE VOICE وكتير نبسطت بس شفت المشترك اللبناني انطوني توما، وأكيد بدنا نشجعو كلنا سوا.


بس عطول بسأل حالي هالسؤال: ليش اللبناني بينطر اللبناني التاني تيطلع من لبنان، تيشجّعو ويحكي عنّو ويعملو مشهور؟

ليش انطوني بدو يروح ع فرنسا، كرمال يحقق حلمو ويغني، وما في يحقق هالحلم بلبنان؟

هو بالذات قال عالتليفزيون، انو بلبنان ما إلو مستقبل. ليش أمين معلوف بدا تكرمو فرنسا ويصير عضو بالأكاديمية الفرنسية ولبنان ما قدّملو شي؟ ( "ماكسيموم" وسام بس يموت). ليش أمين معلوف بدو يصير "فرنسي من أصل لبناني" ومش لبناني؟ أو جبران خليل جبران؟ 
ليش وجدي معوض صار كندي من أصل لبناني والفيلم يلي نعمل من كتابو "Incendies" بدو يربح 36 جائزة سينمائية بس لأن ما نعمل بلبنان؟ أو قولتكن لو نيكولا حايك عمل ساعة بلبنان وسمّاها "Lwatch" بدل "Swatch" كان حداً شتراها بلبنان؟ أكيد لأ... لأنّو "يي ياي يا الله، صناعة وطنية...".

طالما من فضّل كلّ الصناعة الأجنبية عالصناعة اللبنانية بس لأن نحن "كول" و"كلاس"، طالما مندفع بالدولار بدل الليرة اللبنانية، طالما ما منقدر المواهب هي وموجودة بلبنان ومن صير مبسوطين فيهن بس يصيرو بغير بلد، 
رح نخسر عالم متل انطوني وكتار غيرو وما راح يبقى بلبنان غير نحنا الزقّيفة. 

أكيد كلنا بدنا نشجع أنطوني ومنتمنّالو يربح، مش كرمال يرفع إسم لبنان بالعالي متل ما الكل رح يقولو، كرمال يحقّق حلمو ويرفع اسمو بالعالي، لأنو صوتو وشخصيتو الحلوين هوّي اشتغل عليهن وهوّي تعب فيهن، مش لأنو لبناني.

7 comments:

  1. Here's what I personally think.
    All the great talents who are hoping to reach for the stars will eventually follow this guy one day. Not because Lebanon sucks, and not because they have lack of faith in this country. But let's face it, this country is chaotic, we can take advantage of this and get inspired from the chaos, but there comes a point where we hit a wall and we start seeking change. We are slightly losing our culture for politics. Politics are taking over media, tv shows, art, comedy shows, etc... No wonder everyone is leaving. Why hasn't anyone heard of Anthony before? And why Myriam Klink's kick ass songs are all over our national media? (And soon in the parliament n2alla rad)
    We need inspiration, and we need people who appreciate art in all its forms. It is pretty much difficult to rise (on a worldwide scale) in a country that's not stable. Some people take the challenge (like Nadine Labaki), other people simply leave (Elie Saab, Bernard Khoury, alakh alakh alakh..)

    Yah, ya3tikon l 3efye

    ReplyDelete
  2. Thank you for sharing Bernard.
    We sure hope that one day, creatives will be able to thrive in Lebanon without having to eat/support all the shit that they face on a daily basis :)
    Some choose to leave (like Anthony) while others prefer to stay (like yourself or other young talents).
    To those abroad we say: "good luck" and to those back here we say: "GOOD LUCK!"

    ReplyDelete
  3. You are absolutely right "Tarboun el basilikum" but things change, very slowly but they change and thanks God we still have people in this country fighting for art, beauty, human rights, and all good things, and as Bernard Hage said in his comment: "some people take the challenge" so we still hope "w minkammel el tari2 ma3 yalli bi7ibb yeb2a haoun" we believe in the good will of many Lebanese young talents as TOOM EXTRA team for example :D

    ReplyDelete
    Replies
    1. As long as we have supporters like you tante Samar, we are safe :)

      Just as a side info, we are not criticizing the people leaving lebanon, sometimes they don't have any other choice, we are just asking ourselves, why do we discover our talents when it's too late, when France discovers them or the US or any other country, i wish Lebanese support more the Lebanese artists, the lebanese production etc...

      Delete
  4. الجواب على سؤاليك كتير هيّن. ليش بسّ لمّا يصيرو برّا منفوق عليُن ومنصير نشجّعن لأنّو بكلّ بساطة أوّل شي شعبنا جاهل وما بيعرف يميّز الموهوب الحقيقي من النصّابين والكذابين. وتاني شي لأنّو اللّبناني عندو عقدة نقص توارتها عبر الأجيال وكلّ عمرو مدعوس بالسرماية وعيونو لبرّا وما عندو ثقة بحالو ولمّا يشوف شي واحد اشترك ببرنامج على إذاعة عالميّة بيصير يهوبرلو مش لأنّو اكتشف الموهبة عند غيرو بل لأنّو بفكّر إنّو هوّي كلبناني رح يطلعلو شي من هالعملّية كلّها... ببساطة بيصير بدّو يحقّق ذاته على كيس غيره... يا حرام شو معتّرين بهالبلد وشو بعد بدّنا فتّ خبز

    sorry 3al jafasa bi jawebeh bas ana heik bchoufa :)

    ReplyDelete
  5. w ana bchoufa metlak 100 % Mirab. w ahamma chi 2elto : 3e2det el no2ess. hayda el sabab al ahamm ! Thank you :)

    ReplyDelete
  6. إنو ليه؟
    لأنو اللبناني ما بيقدر اللبناني المحترم والمواهب الموجوده ببلدو...بيستخف بكل شي وبيستخف ببلدو بشعبو
    لأنو الاعلامي اللبناني ما بيركز إلا على عاهات المجتمع متل كتير أمثال عم تظهر على الشاشة! فكرك أمين معلوف بدو يزدلو عدد المشاهدين ويخلي البلد يحكي في؟ صعبة!
    لأنو اللبناني ما بيسأل عن خيو إلا إذا سافر! وما بيحب لبنان إلا بالغربة!
    لأنو اللبنانين فقد ثقته ببلدو وبشعبو وضاع بين الأيادي!
    وأكتر من هيك اللبناني لاحق جماعات بدها مية سنة حتى تقرب من شي اسمو
    فن ومواهب وقدرات...صار اللبناني إتكالي...و لك على مين متكل!

    ReplyDelete

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.