13.4.13

تلاتّعْش

بمناسبة ذكرى بداية الحرب الأهلية اللبنانيّة، حبّينا ما نجيب سيرة هالموضوع الزّفت ونذكّركُن بِجمل كلّها تناقض.
للمُضحك ولِلمُبكي... كاسكُن!

١. يي! شو لابقلك هالفستان، بس نصحانة شوي إنتي أو لأ؟

٢. ليك، مزبوط هوّي عصبي كتير ومشكلجي بس قلبو طيب يا خيي...

٣. يا خيّي حبّوب هوّي الصبي بس مبهول شويّ، لأ؟

٤. ... يي! ساعة اللي بدّك يا حبيبتي، بس حكيني قبل شي يومين تسلميلي، أوكي؟

٥. يا حياتي، ع راسي الدراسات والأبحاث، بس أنا عم قلّك: إمّ جورج ما بتغلط بالفنجان!

٦. ...اه إيه! هيدا الفيلم أكيد حضرتو، ولو مين مش حاضرو؟ بس ذكرني بليز شو القصّة؟

٧. إنو طبيعي أضهر وجرب وشوف، أنا رجّال، بس أكيد بدّي إتجوّز وحده مش بايس تما غير إما.

٨. ع سلامتو! ما في أحلى وأهضم منّو وبأخلاقو ما بتلاقي، بس يا عمي... معقول ما معو سيارة؟!

٩. ليك... صدّقني، سيارتي ما في منا بالسوق... خيّي مظبوط اجت مع ٢٠٠ سيارة غيرا من أميركا، بس وقفتها غير شكل!

١٠. بليز بدي فستان، "سامبل وشيك" ومرتب... آه، ما في أقصر شوي... مم هيدا؟ ما في شي مفتوح أكتر ع صدرو ومع "paillettes"؟

١١. أنا مع حقوق المرأة واستقلاليتها، بس ولو... عالقليلة يدفع عني!

١٢. نحنا البنت اللي عنّا من عاملها متل أهل البيت، بس من وقت للتاني كفّين ما بضرّو.

١٣. ولك شو هالمرتّ هيدا، رحت طلبت منو ١٠٠٠ دولار، قال مش قادر يعطيني، منيح مش قاعد بالبيت متلي! 

No comments:

Post a Comment

We allow comments without moderation on our blog, just because we respect your right to answer back and give your opinion, but in return we expect that you comment responsibly and respectfully.